Poet: Razi Tirmazi
|
so rahaa thaa to shor barpaa thaa
uTh ke dekhaa to mai.n akelaa thaa
[barpaa = start]
Khaak par mere Khvaab bikhare the
aur mai.n rezaa rezaa chunataa thaa
[rezaa-rezaa = piece by piece]
chaar jaanib vujuud kii diivaar
apanii aavaaz mai.n hii sunataa thaa
[jaanib = side (of); chaar jaanib = all around]
[vujuud = existence (sometimes pronounced as vajuud)]
umr bhar buu.Nd buu.Nd ko tarase
saamane ghar ke ek dariyaa thaa
lab-e-dariyaa kha.De rahe dono.n
vo bhii pyaasaa thaa mai.n bhii pyaasaa thaa
[lab-e-dariyaa = on the shores of a river/stream]
|
Poet: Raza Qureshi
|
jo chaahate ho so kahate ho chup rahane kii lazzat kyaa jaano
ye raaz-e-muhabbat hai pyaare tum raaz-e-muhabbat kyaa jaano
[lazzat = enjoyment]
alfaaz kahaa.N se laauu.N chhale kii tapak ko samajhaauu.N
izahaar-e-muhabbat karate ho ehasaas-e-muhabbat kyaa jaano
[alfaaz = words; chhaalaa = blister; izahaar = proclaim]
kyaa husn kii bhiikh bhii hotii hai jab chuTakii chuTakii ju.Datii hai
ham ahal-e-garaz jaane is ko tum saahib-e-daulat kyaa jano
[ahal-e-garaz = people with needs]
hai farq ba.Daa ai jaan-e-?a??l dene me.n dil lene me.n
ulfat kaa ta?uq jaan ke bhii rishte kii nazaakat kyaa jaano
|
Poet: Unknown
|
baat chalii terii aa.Nkho.n se jaa pahu.Nchii paimaane tak
khii.nch rahii hai terii ulfat aaj mujhe maiKhaane tak
ishq kii baate.n Gam kii baate.n duniyaa vaale karate hai.n
kisane shammaa kaa dukh dekhaa kaun gayaa paravaane tak
ishq nahii.n hai tum ko mujhase sirf bahaane karatii ho
yuu.N hii bahaane qaayam rakhanaa tum mere mar jaane tak
itanaa hii kahanaa hai tum se mumkin ho to aa jaanaa
aa hii gaye to rukanaa hogaa aa.Nkho.n ke patharaane tak
|
Poet: Jigar Moradabadi
|
ishq kii daastaan hai pyaare
apanii apanii zubaan hai pyaare
ham zamaane se i.ntaqaam to le.n
ek hasii.n darmiyaan hai pyaare
tuu nahii.n mai.n huu.N, mai.n nahii.n tuu hai
ab kuchh aisaa gumaan hai pyaare
rakh qadam phuu.Nk phuu.Nk kar naadaan
zarre zarre me.n jaan hai pyaare
|
Poet: Nazeer Banarasi
|
kabhii Khaamosh baiThogii kabhii kuchh gun-gunaaogii
mai.n utanaa yaad aaoo.ngaa mujhe jitanaa bhulaaogii
ko_ii jab puuchh baiThegaa Khaamoshii kaa sabab tum se
bahut samajhaanaa chaahogii magar samajhaa na paaogii
kabhii duniyaa muqammal banake aaye.ngii nigaaho.n me.n
kabhii merii kabhii duniyaa kii har ek rain bitaaogii
kahii.n par bhii rahe.n ham to muhabbat phir muhabbat hai
tumhe.n ham yaad aaye.nge hame.n tum yaad aaogii
|
Poet: Shamim Shahabadi
|
aa.Nkh ko jaam samajh baiThaa thaa a.njaane me.n
saaqiyaa hosh kahaa.N thaa tere diivaane me.n
jaane kis baat kii un ko hai shikaayat mujhase
naam tak jin kaa nahii.n hai mere afasaane me.n
dil ke Tuka.Do.n se terii yaad kii Khushbuu na ga_ii
buu-e-may baaqi hai TuuTe huye paimaane me.n
dil-e-barbaad me.n ummiid kaa aalam kyaa hai
Tim-Timaatii hu_ii ik shammaa hai viiraane me.n
|
Poet: Ali Sardar Jafri
|
aavaaraa hai.n galiyo.n me.n mai.n aur merii tanahaa_ii
jaaye.N to kahaa.N jaaye.N har mo.D pe rusavaa_ii
mai.n aur merii tanahaa_ii
ye phuul se chehare hai.n ha.Nsate huye guladaste
ko_ii bhii nahii.n apanaa begaane hai.n sab raste
raahe.n bhii tamaashaa_ii raahii bhii tamaashaa_ii
mai.n aur merii tanahaa_ii
armaan sulagate hai.n siine me.n chitaa jaise
qaatil nazar aatii hai duniyaa kii havaa jaise
rotii hai mere dil par bajatii hu_ii shahanaa_ii
mai.n aur merii tanahaa_ii
har ra.ng me.n ye duniyaa sau ra.ng badalatii hai
ro kar kabhii ha.Nsatii hai, ha.Ns kar kabhii gaatii hai
ye pyaar kii baahe.n hai.n yaa maut kii a.nga.Daa_ii
mai.n aur merii tanahaa_ii
aakaash ke maathe par taaro.n kaa charaaGaa.N hai
pahaluu me.n magar mere zaKhmo.n kaa gulistaa.N hai
aa.Nkho.n se lahuu Tapakaa daaman me.n bahaar aa_ii
mai.n aur merii tanahaa_ii
|
Poet: Abdul Hameed Adam
|
saaGar se lab lagaa ke bahut Khush hai zi.ndagii
sahan-e-chaman me.n aake bahut Khush hai zi.ndagii
[saaGar = wine-glass]
aa jaao aur bhii zaraa nazadiik jaan-e-man
tum ko qariib paake bahut Khush hai zi.ndagii
hotaa ko_ii mahal bhii to kyaa puuchhate ho phir
be-vajah muskuraa ke bahut Khush hai zi.ndagii
[mahal = opportunity or often (it has two meanings)]
saahil pe bhii to itanii shagufataa ravish na thii
tuufaa.N ke biich aake bahut Khush hai zi.ndagii
[saahil = shore; shagufataa = fresh]
viiraan dil hai aur "Adam" zi.ndagii kaa raqs
ja.ngal me.n ghar banaake bahut Khush hai zi.ndagii
[raqs = dance; ja.ngal = forest]
|
Poet: Nida Fazli
|
dekhaa huaa saa kuchh hai to sochaa huaa saa kuchh
har vaqt mere saath hai ulajhaa huaa saa kuchh
[ulajhaa huaa = tangled/confused]
hotaa hai yuu.N bhii raastaa khulataa nahii.n kahii.n
ja.ngal-saa phail jaataa hai khoyaa huaa saa kuchh
saahil kii gilii ret par bachcho.n ke khel-saa
har lamhaa mujh me.n banataa bikharataa huaa saa kuchh
[saahil = shore; giilii = wet; lamhaa = moment]
fursat ne aaj ghar ko sajaayaa kuchh is tarah
har shay se muskuraataa hai rotaa huaa saa kuchh
[fursat = leisure; shay = object/thing]
dhu.Ndhalii sii ek yaad kisii qabr kaa diyaa
aur mere aas-paas chamkataa huaa saa kuchh
[qabr = grave]
|
Poet: Firaq Gorakhpuri
|
raat aadhii se ziyaadaa ga_ii thii saaraa aalam sotaa thaa
naam teraa le le kar ko_ii dard kaa maaraa rotaa thaa
chaaraagaro ye taskii.n kaisii mai.n bhii huu.N is duniyaa me.n
un ko aisaa dard kab uThaa jin ko bachanaa hotaa thaa
[chaaraagaro = physicians/healers; taskii.n = consolation]
kuchh kaa kuchh kah jaataa thaa mai.n furqat kii betaabii me.n
sunane vaale ha.Ns pa.Date the hosh mujhe tab aataa thaa
[furqat = separation/parting]
taare aksar Duub chale the, raat ke rone vaalo.n ko
aane lagii thii nii.nd sii kuchh, duniyaa me.n saveraa hotaa thaa
tark-e-muhabbat karane vaalo kaun aisaa jag jiit liyaa
ishq ke pahale ke din socho kaun ba.Daa sukh hotaa thaa
[tark-e-muhabbat = abandonment of love]
us ke aa.Nsuu kis ne dekhe us kii aahe.n kis ne sunii.n
chaman chaman thaa husn bhii lekin dariyaa dariyaa rotaa thaa
pichhalaa pahar thaa hijr kii shab kaa, jaagataa rab sotaa i.nsaan
taaro.n kii chhaao.n me.n ko_ii "Firaq" saa motii pirotaa thaa
[pichhalaa = last; hijr kii shab = night of parting; rab = God]
[pironaa = to thread]
|
Poet: Majrooh Sultanpuri
|
mujhe sahal ho ga_ii.n ma.nzile.n vo havaa ki ruKh bhii badal gaye
teraa haath haath me.n aa gayaa ki chiraaG raah me.n jal gaye
[sahal = easy; ruKh = direction]
vo lajaaye mere savaal par ke uThaa sake na jhukaa ke sar
u.Dii zulf chehare pe is tarah ki shabo.n ke raaz machal gaye
mere kaam aa ga_ii aaKhirash yahii kaaviishe.n yahii gardishe.n
ba.Dhii is qadar merii ma.nzile.n ki qadam ke Khaar nikal gaye
[aaKhirash = finally, in the end; kaavishe.n = difficulties]
[gardish = bad time; Khaar = thorn]
|
Poet: Jigar Moradabadi
|
aa.Nkho.n me.n bas ke dil me.n samaa kar chale gaye
Khvaabidaa zi.ndagii thii jagaa kar chale gaye
[Khvaabidaa = lost in dreams/slumbering]
chehare tak aastiin vo laakar chale gaye
kyaa raaz thaa ki jis ko chhipaakar chale gaye
rag rag me.n is tarah vo samaa kar chale gaye
jaise mujh hii ko mujhase churaakar chale gaye
aaye the dil kii pyaas bujhaane ke vaaste
ik aag sii vo aur lagaa kar chale gaye
lab thar-tharaa ke rah gaye lekin vo ai "Jigar"
jaate huye nigaah milaakar chale gaye
|
Poet: Daag Dehlvi
|
muhabbat me.n kare kyaa kuchh kisii se ho nahii.n sakataa
meraa maranaa bhii to merii Khushi se ho nahii.n sakataa
na ronaa hai tariiqe kaa na ha.Nsanaa hai saliiqe kaa
pareshaanii me.n ko_ii kaam jii se ho nahii.n sakataa
[saliiqaa = proper way]
Khudaa jab dost hai ai "Daag" kyaa dushman se a.ndeshaa
hamaaraa kuchh kisii kii dushmanii se ho nahii.n sakataa
[a.ndeshaa = anxiety/worry]
|
Poet: Bashir Badr
|
duaa karo ki ye paudhaa sadaa haraa hii lage
udaasiyo.n se bhii cheharaa khilaa-khilaa hii lage
ye chaa.Nd taaro.n kaa aa.Nchal usii kaa hissaa hai
ko_ii jo duusaraa o.De to duusaraa hii lage
nahii.n hai mere muqaddar me.n raushanii na sahii
ye khi.Dakii kholo zaraa subah kii havaa hii lage
ajiib shaKhs hai naaraaz hoke ha.nsataa hai
mai.n chaahataa huu.N Khafaa ho to vo Khafaa hii lage
|
Poet: Bashir Badr
|
duaa karo ki ye paudhaa sadaa haraa hii lage
udaasiyo.n se bhii cheharaa khilaa-khilaa hii lage
ye chaa.Nd taaro.n kaa aa.Nchal usii kaa hissaa hai
ko_ii jo duusaraa o.De to duusaraa hii lage
nahii.n hai mere muqaddar me.n raushanii na sahii
ye khi.Dakii kholo zaraa subah kii havaa hii lage
ajiib shaKhs hai naaraaz hoke ha.nsataa hai
mai.n chaahataa huu.N Khafaa ho to vo Khafaa hii lage
|
Poet: Abdul Hameed 'Adam'
|
tere dar pe vo aa hii jaate hai.n
jin ko piine kii aas ho saaqii
aaj itanii pilaa de aa.Nkho.n se
Khatm ri.ndo.n kii pyaas ho saaqii
halqaa halqaa suruur hai saaqii
baat ko_ii zaruur hai saaqii
terii aa.Nkhe.n kisii ko kyaa de.ngii
apanaa apanaa suruur hai saaqii
tere ruKh pe ye pareshaa.N zulfe.n
ik a.Ndhere me.n nuur hai saaqii
piine vaalo.n ko bhii nahii.n maaluum
mayaqadaa kitanii duur hai saaqii
|
Poet: Payam Saeedi
|
ham dostii ehasaan vafaa bhuul gaye hai.n
zi.ndaa to hai.n jiine kii adaa bhuul gaye hai.n
Khushbuu jo luTaate hai.n masalate hai.n usii ko
ehasaas kaa badalaa ye milataa hai kalii ko
ehasaas to lete hai.n silaa bhuul gaye hai.n
karate hai.n muhabbat kaa aur ehasaas kaa saudaa
matalab ke liye karate hai.n iimaan kaa saudaa
Dar maut kaa aur Khauf-e-Khudaa bhuul gaye hai.n
ab mom me.n Dhalakar ko_ii patthar nahii.n hotaa
ab ko_ii bhii qurbaan kisii par nahii.n hotaa
kyuu.N bhaTake hai.n ma.nzil kaa pataa bhuul gaye hai.n
|
Poet: Salman Akhtar
|
jiinaa azaab kyuu.N hai ye kyaa ho gayaa mujhe
kis shaKhs kii lagii hai bhalaa bad-duaa mujhe
bananaa pa.Daa hai aap hii apanaa Khudaa mujhe
kis kufr kii milii hai bhalaa ye sazaa mujhe
ye kah ke mai.n ne rakkhaa hai har aa_iine kaa dil
agale janam me.n ruup milegaa nayaa mujhe
nikale the dono.n bhes badal kar to kyaa ajab
mai.n Dhuu.NDhataa Khudaa ko phiraa aur Khudaa mujhe
tuu mutama_iin nahi.n to mujhe kab hai aitaraaz
miTTii ko phir se goo.Ndh merii, phir banaa mujhe
[mutama_iin = satisfied]
|
Poet: Qamar Jalalwi
|
kabhii kahaa na kisii se tere fasaane ko
na jaane kaise Khabar ho ga_ii zamaane ko
chaman me.n chho.Datii nahii.n kisii suurat
tarah tarah se banaataa huu.N aashiyaane ko
duaa bahaar kii maa.Ngii to itane phuul khile
kahii.n jagah na milii mere aashiyaane ko
chaman me.n jaanaa to sayyaad dekh-bhaal kar jaanaa
akelaa chho.D kar aayaa huu.N aashiyaane ko
merii lahad pe pata.ngo.n kaa Khuu.N hotaa hai
huzuur shammaa na laayaa kare.n jalaane ko
[lahad = tomb/grave]
sunaa hai Gair kii mahafil me.n tum na jaaoge
kaho to aaj sajaa luu.N Gariib-Khaane ko
dabaa ke qabr me.n sab chal diye duaa na salaam
zaraa sii der me.n kyaa ho gayaa zamaane ko
ab aage is me.n tumhaaraa bhii naam aayegaa
jo hukm ho yahii.n chho.D duu.N fasaane ko
'Qamar' zaraa bhii nahii.n tujhako Khauf-e-rusavaa_ii
ki chaa.ndanii me.n chale ho u.nhe.n manaane ko
|
Poet: Surender Malik 'Gumnaam'
|
ye kaisii muhabbat kahaa.N ke fasaane
ye piine pilaane ke sab hai.n bahaane
vo daaman ho un kaa ke sun-saan seharaa
bas ham ko to aaKhir hai.n aa.Nsuu bahaane
ye kis ne mujhe mast nazaro.n se dekhaa
lage Khud-ba-Khud hii qadam la.D-kha.Daane
chalo tum bhii 'Gumnaam' ab maikade me.n
tumhe.n dafn karane hai.n ka_ii Gam puraane
kaa.NTo.n kii chubhan pa_ii phuulo.n kaa mazaa bhii
dil dard ke mausam me.n royaa bhii ha.Nsaa bhii
aane kaa sabab yaad na jaane kii Khabar hai
vo dil me.n rahaa aur use to.D gayaa bhii
har ek se ma.nzil kaa pataa puuchh rahaa hai
gumaraah mere saath huaa rahanumaa bhii
'Gumnaam' kabhii apano.n se jo Gam huye haasil
kuchh yaad rahe un me.n kuchh bhuul gayaa bhii
|
Poet: Charag Hasan Hasrat
|
yaa rab! Gam-e-hijraa.N me.n itanaa to kiyaa hotaa
jo haath jigar pe hai vo dast-e-duaa hotaa
[Gam-e-hijraa.N = sorrow of separation]
[dast-e-duaa = hands raised in prayer]
ek ishq kaa Gam aafat aur us pe ye dil aafat
yaa Gam na diyaa hotaa yaa dil na diyaa hotaa
Gairo.n se kahaa tum ne Gairo.n se sunaa tum ne
kuchh ham se kahaa hotaa kuchh ham se sunaa hotaa
ummiid to ba.ndh jaatii taskii.n to ho jaatii
vaadaa na vafaa karate vaadaa to kiyaa hotaa
naakaam-e-tamannaa dil is soch me.n rahataa hai
yuu.N hotaa to kyaa hotaa yuu.N hotaa to kyaa hotaa
|
Poet: Sagar Siddiqui
|
ruudaad-e-muhabbat kyaa kahiye kuchh yaad rahii kuchh bhuul gaye
do din kii masarrat kyaa kahiye kuchh yaad rahii kuchh bhuul gaye
[ruudaad-e-muhabbat = Tale of love; masarrat = happiness]
jab jaam diyaa thaa saaqii ne jab daur chalaa thaa mahafil me.n
vo hosh kii sa'at kyaa kahiye kuchh yaad rahii kuchh bhuul gaye
[sa'at = moment]
ehasaas ke maiKhaane me.n kahaa.N ab fikr-o-nazar kii qa.ndiile.n
aalam kii shiddat kyaa kahiye kuchh yaad rahii kuchh bhuul gaye
[fikr-o-nazar = point of view; qa.ndile.n = lamps/candles]
[aalam = sorrow; shiddat = intensity]
ab apanii haqiiqat bhii "Sagar" berabt kahaanii lagatii hai
duniyaa kii haqiiqat kyaa kahiye kuchh yaad rahii kuchh bhuul gaye
[berabt = unrelated]
|
Poet: Ibrahim Ashk
|
naaz thaa Khud par magar aisaa na thaa
aa_iine me.n jab talak dekhaa na thaa
shahar kii maharuumiyaa.N mat puuchhiye
bhii.D thii par ko_ii bhii apanaa na thaa
[maharuum = deprived]
ma.nzile.n aavaaz detii rah ga_ii.n
ham pahu.Nch jaate magar rastaa na thaa
itanii dil-kash thii kahaa.N ye zi.ndagii
ham ne jab tak aap ko chaahaa na thaa
[dil-kash = attractive]
|